اب کے رت بدلی تو خوشبو کا سفر دیکھے گا کون

اب کے رت بدلی تو خوشبو کا سفر دیکھے گا کون

زخم پھولوں کی طرح مہکیں گے پر دیکھے گا کون

دیکھنا سب رقص بسمل میں مگن ھو جائیں گے

جس طرف سے تیر آئے گا ادھر دیکھے گا کون

وہ ہوس ھو یا وفا ھو بات محرومی کی ہے

لوگ تو پھل پھول دیکھیں گے شجر دیکھے گا کون

ہم چراغ شب ہی جب ٹھہرے تو پھر کیا سوچنا

رات تھی کس  کا مقدر اور سحر دیکھے گا کون

آ فصیل شہر سے دیکھیں غنیم شہر کو

شہر جلتا ھو تو تجھ کو بام پر دیکھے گا کون

  

احمد فراز

اب کے بچھڑے توشاید کبھی خوابوں میں ملے

اب کے ہم بچھڑے تو شاید کبھی خوابوں میں ملیں

جس طرح سوکھے ہوئے پھول کتابوں میں ملیں

ڈھونڈ اجڑے ہوئے لوگوں میں وفا کے موتی

یہ خزانے تجھے ممکن ہے خرابوں میں ملیں

تو خدا ہے نہ میرا عشق فرشتوں جیسا

دونوں انساں ہیں تو کیوں اتنے حجابوں میں ملیں

غم دنیا بھی غم یار میں شامل کر لو

نشہ بڑھتا ہے شرابیں جو شرابوں میں ملیں

 

آج ہم دار پہ کھینچے گئے جن باتوں پر

کیا عجب کل وہ زمانے کو نصابوں میں ملیں

اب نہ وہ میں ہوں نہ تو ہے نہ وہ ماضی ہے فراز

جیسے دو شخص تمنا کے سرابوں میں ملیں

احمد فراز

اب کے تجدید وفا کا نہیں امکان جاناں

اب کے تجدید وفا کا نہیں امکاں جاناں

یاد کیا تجھ کو دلائیں تیرے پیماں جاناں

یونہی موسم کی ادا دیکھ کے یاد آیا ہے

کس قدر جلد بدل جاتے ہیں انساں جاناں

زندگی تیری عطا تھی سو تیرے نام کی

ہم نے جیسے بھی بسر کی تیرا احسان جاناں

دل یہ کہتا ہے کہ شاید ھو افسردہ تو بھی

دل کی کیا بات کریں دل تو ہے ناداں جاناں

اول اول کی محبّت کے نشے یاد تو کر

بے پیئے بھی تیرا چہرہ تھا گلستان جاناں

آخر آخر تو یہ عالم ہے کہ اب ہوش نہیں

رگ مینا سلگ اٹھی کہ رگ جاں جاناں

مدّتوں سے یہ عالم نہ توقع نہ امید

دل پکارے ہی چلا جاتا ہے جاناں جاناں

ہم بھی کیا سادہ تھے ہم نے بھی سمجھ رکھا تھا

غم دوراں سے جدا ہے غم جاناں جاناں

اب کے کچھ ایسی سجی محفل یاراں جاناں

سر بہ زانو ہے کوئی سر بہ گریباں جاناں

ہر کوئی اپنی ہی آواز سے کانپ اٹھتا ہے

ہر کوئی اپنے ہی سے سے ہراساں جاناں

جس کو دیکھو وہی زنجیربہ پا لگتاہے

 شہر کا شہر ھوا داخل زنداں جاناں

اب تیرا ذکر بھی شاید ہی غزل میں آئے

اور سے اور ھوا درد کا عنوان جاناں

ہم کہ روٹھی ہوئی رت کو منا لیتے تھے

ہم نے دیکھا ہی نہ تھا موسم ہجراں جاناں

ہوش آیا تو سبھی خواب تھے ریزہ ریزہ

جیسے اڑتے ہوئے اوراق پریشاں جاناں

احمد فراز

پھر کوئی آیا دل زار ، نہیں کوئی نہیں

پھر کوئی آیا دل زار ، نہیں کوئی نہیں

رہرو ہو گا کہیں اور چلا جائے گا

ڈھل چکی رات بکھرنے لگا تاروں کا غبار

 لڑکھڑانے لگے ایوانوں میں خوابیدہ چراغ

سو گئی راستہ تک تک کے ہر اک رہگزار

اجنبی خاک نے دھندھلا دئے قدموں کے سراغ

گل کرو شمعیں بڑھا دو مے و مینا و ایاغ 

اپنے خوابیدہ کواڑوں کو مقفل کر لو

اب یہاں کوئی نہیں کوئی نہیں آئے گا

Listen Faiz Ahmed Faiz's پھر کوئی آیا دل زار ، نہیں کوئی نہیں

Faiz Ahmed Faiz

پھر کوئی آیا دل زار ، نہیں کوئی نہیں

نثار میں تیری گلیوں پہ اے وطن ، کہ جہاں

Ahmad Faraz

آنکھ سے دور نہ ہو دل سے اتر جائے گا

اب کہ ہم بچھڑے تو شاید کبھی خوابوں میں ملیں

اب کے رت بدلی تو خوشبو کا سفر دیکھے گا کیوں

اب کے تجدید وفا کا نہیں امکاں جاناں

اب کس کا جشن مناتے ہو

کچھ تو ہوا بھی سرد تھی، کچھ تھا تیرا خیال بھی

کچھ تو ہوا بھی سرد تھی، کچھ تھا تیرا خیال بھی

 دل کو خوشی کے ساتھ ساتھ ہوتا رہا ملال بھی

 بات وہ آدھی رات کی رات وہ پورے چاند کی

چاند بھی عین چیت کا، اس پہ تیرا جمال بھی

 سب سے نظر بچا کہ وہ مجھ کو ایسے دیکھتا

 ایک دفعہ تو رک گئی، گردش ماہ و سال بھی

 دل تو چمک سکے گا کیا، پھر بھی تراش کے دیکھ لو

شیشہ گراں شہر کے ہاتھ کا یہ کمال بھی

 اس کو نہ پا سکے تھے جب، دل کا عجیب حال تھا

 اب جو پلٹ کے دیکھیے ، بات تھی کچھ محال بھی

 میری طلب تھا ایک شخص ، وہ جو نہیں ملا تو پھر

 ہاتھ دعا سے یوں گرا ، بھول گیا سوال بھی

 شام کی نا سمجھ ہوا، پوچھ رہی ایک پتہ

 موج ہوائے کوئے یار کچھ تو میرا خیال بھی

 اس کے بازؤں میں اس کو ہی سوچتے رہے

 جسم کی خواہشوں پہ تھے روح کے اور جال بھی

پروین شاکر

آنکھ سے دور نہ ہو دل سے اتر جائے گا

آنکھ سے دور نہ ہو دل سے اتر جائے گا

وقت کا کیا ہے گزرتا ہے گزر جائے گا

اتنا مانوس نہ ہو خلوت غم سے اپنی

تو کبھی خود کو بھی دیکھے گا تو ڈر جائے گا

تم سر رہ وفا دیکھتے رہ جاؤ گے

اور وہ بام رفاقت سے اتر جائے گا

زندگی تیری عطا ہے تو یہ جانے والا

تیری بخشش تیری دہلیز پہ دھر جائے گا

ڈوبتے ڈوبتے کشتی کو اچھالا دے دوں

میں نہیں کوئی تو ساحل پہ اتر جائے گا

ضبط لازم ہے مگر دکھ ہے قیامت کا فراز 

ظالم اب کے نہ روئے گا تو مر جائے گا 

احمد فراز 

ہو کسی ماں کی طرح نحل ثمر دار کا دکھ

ہو کسی ماں کی طرح نحل ثمر دار کا دکھ

خوشہ چیں کیسے سمجھ سکتے ہیں اشجار کا دکھ

کون چاہت سے تجھے دے گا تیرے فن پہ داد

کس نے محسوس کیا ہے کسی فنکار کا دکھ

تم کو فرصت ملے دنیا کے مشاغل سے اگر

کبھی سوچو کسی مفلس کسی نادار کا دکھ

میں نے پھر بصرہ و بغداد کو جلتے دیکھا

میں نہ بھولا تھا ابھی کابل و قندھار کا دکھ

کبھی سیلاب، کبھی موسم بے آب کا ڈر

ہم زمیں دار سمجھتے ہیں زمیں دار کا دکھ

احمد فراز

سلسلے توڑ گیا وہ سبھی جاتے جاتے

سلسلے توڑ گیا وہ سبھی جاتے جاتے

ورنہ اتنے تو مراسم تھے کہ آتے جاتے

شکوہ ظلمت شب سے تو کہیں بہتر تھا

اپنے حصے کی کوئی شمع جلاتے جاتے

کتنا آسان تھا تیرے ہجر میں مرنا جاناں

پھر بھی اک عمر لگی جاں سے جاتے جاتے

جشن مقتل ہی نہ برپا ھوا ورنہ ہم بھی

پابجولاں ہی سہی ناچتے گاتے جاتے

اس کی وہ جانے اسے پاس وفا تھا کہ نہ تھا

تم فراز اپنی طرف سے تو نبھاتے جاتے

احمد فراز

یونہی بے سبب نہ پھرا کرو، کوئی شام گھر بھی رہا کرو

یونہی بے سبب نہ پھرا کرو، کوئی شام گھر بھی رہا کرو

یہ غزل کی سچی کتاب ہے اسے چپکے چپکے پڑھا کرو

کوئی ہاتھ بھی نہ ملاے گا جو گلے ملو گے تپاک سے

یہ نئے مزاج کا شہر ہے ،  ذرا فاصلے سے ملا کرو

ابھی رہ میں کئی موڑ ہیں، کوئی آئے گا کوئی جائے گا

تمہیں جس کسی نے بھلا دیا، اسے بھولنے کی دعا کرو

مجھے اشتہار سی لگتی ہیں، یہ محبتوں کی کہانیاں 

جو کہا نہیں  وہ سنا کرو ، جو سنا نہیں  وہ  کہا کرو

کبھی  حسن   پردہ  نشیں   بھی   ہو  ذرا عاشقانہ   لباس  میں

جو میں بن سنور کے کہیں چلوں میرے ساتھ تم بھی چلا کرو

نہیں بے حجاب وہ چاند سا کہ نظر کا کوئی اثر نہ ہو

اسے اتنی گرمی شوق سے، بڑی دیر تک نہ تکا کرو

ڈاکٹر بشیر بدر

نثار میں تیری گلیوں پہ اے وطن ، کہ جہاں

نثار میں تیری گلیوں پہ اے وطن کہ جہاں

چلی ہے رسم کہ کوئی نہ سر اٹھا کہ چلے

جو کوئی چاہنے والا طواف کو نکلے

نظر چرا کے چلے جسم و جاں بچا کے چلے

ہے اہل دل کے لیے اب یہ نظم بست و کشاد

کہ سنگ و خشت مقید ہیں اور سگ آزاد

بہت ہیں ظلم کے دست بہانہ جو کے لیے

جو چند اہل جنوں تیرے نام لیوا ہیں

بنے ہیں اہل ہوس مدعی بھی منصف بھی

کیسے وکیل کریں کس سے منصفی چاہیں

مگر گزارنے والوں کے دن کزرتے ہیں

تیرے فراق میں یوں صبح شام کرتے ہیں

بجھا جو روزن زندان تو دل یہ سمجھا ہے

کہ تیری مانگ ستاروں سے بھر گئی ہو گی

چمک اٹھے ہیں سلاسل تو ہم نے جانا ہے

کہ اب سحر تیرے رخ پر بکھر گئی ہو گی

غرض تصور شام و سحر میں جیتے ہیں

گرفت سایہ دیوار و در میں جیتے ہیں

یوں ہی ہمیشہ الجھتی رہی ہے ظلم سے خلق

نہ ان کی رسم نئی ہے ، نہ اپنی ریت نئی

یوں ہی ہمیشہ کھلائے ہیں ہم نے آگ میں پھول

نہ ان کی ہار نئی ہے نہ اپنی جیت نئی

اسی سبب سے فلک کا گلا نہیں کرتے

تیرے فراق میں ہم دل برا نہیں کرتے

گر آج تجھ سے جدا ہیں تو کل باہم ہوں گے

یہ رات بھر کی جدائی تو کوئی بات نہیں

گر آج اوج پہ ہے طالع رقیب تو کیا

یہ چار دن کی خدائی تو کوئی بات نہیں

جو تجھ سے عہد و وفا استوار رکھتے ہیں

علاج گردش لیل و نہار رکھتے ہیں 

آئے کچھ ابر کچھ شراب آئے

آئے  کچھ  ابر  کچھ  شراب آئے

 اس کے بعد آئے جو عذاب آئے

بام  مینا  سے  ماہتاب اترے

دست ساقی  میں  آفتاب آئے

ہر رگ خون میں پھر چراغاں ہو

سامنے  وہ   پھر  بے  نقاب  آئے

عمر  کے  ہر  ورق  پر نظر

تری مہر و وفا کے باب آئے

کر رہا تھا غم جہاں کا حساب

آج  تم   یاد  بے  حساب  آئے

نہ  گئی تیرے غم کی سرداری

دل میں  یوں  روز  انقلاب آئے

جل اٹھے بزم غیر کے در و بام

جب بھی ہم  خانماں خراب آئے

اس طرح اپنی خامشی گونجی

گویا ہر سمت سے جواب آئے

فیض تھی راہ  سر بہ سر منزل

ہم  جہاں  پہنچے  کامیاب  آئے